4745/2024-2025

Champhai, 21st March 2025: Vawiin khan Champhai District Agriculture Marketing Committee (DAMC) buatsaihin District Education Training Hall, Kahrawt Vengah District chhunga Thlai thar leina hmun - Secondary Collection Center leh Cluster Society te tan Sawhthing lei chungchang inhrilhhriatna (Sensitization Progamme) neih a ni.

He hun hi Pu Vanlalnunpuia, Asst District Agriculture Officer (ADAO) chuan a kaihruai a. Pu Lalnunpuia, Member, Mizoram Agriculture Marketing Board (MAMB) leh Pu Laldanmawia, Co-opted Member, DAMC ten SCC leh Cluster Society aiawh kalkhawmte hi zirtirna an pe a. Sawhthing lei tura sawrkar hmalakna te, a hralh chhuah leh a lak khawm chungchanga tihdan ṭha (best practices) te sawifiahin, zawhna leh chhanna hun hlawkthlak tak hman a ni bawk a ni.

Mizoram sawrkar flagship programme Ban a Kaih hnuaia Thlai thar lei kalpui mekah March ni 13, 2025 thleng khan Champhai District chhunga sawhthing chingtu mi 834 te hnenah sawhthing quintal 4509.7878 man cheng vaibelchhe 2.25 (₹2,25,48,939) pek chhuah a ni tawh a. Buffer Stock tura Sairang Godown a thawn tawh Sawhthing quintal 2216.69 man cheng vaibelchhe 1.10 (₹1,10,83,450) pek chhuah hmabak a awm bawk. Tun dinhmunah SCC 8 ah sawhthing quintal 3616.58 dah khawm mek a ni.

Vawiin Sensitization Programme-ah hian SCC viltu Nodal Officer te, SCC leh an hnuaia Cluster Society aiawhte an tel a ni.