Vawiin khan Driving Licence Smart Card buaipuina tur khawl chu Champhai District Transport Office-ah vuah a ni. District 5-a tihfel a nih hnuah Champhai District-ah vawiin atangin bun thar a ni a. Naktuk atang hian mipui tan dil theih tan tura ruahman a ni.

Smart Card hi India ram pumah Transport Ministry chuan hmang turin a ti a, Mizoram hi India rama a hmang hmasa pawl a ni a. He smart card-ah hian license neitute chungchang leh data zawng zawng chu chip-ah dahin, District Transport Officer-in a tihnun vek a ngai dawn a, license lemah chuan data chip a awm loh avangin a hman theih dawn loh a, smart card hian license lem chher chawp awm thin chu a tihtawp beisei a ni.

Smart Card hi Mizoram-ah hian M/s A-ID System India Pvt.Ltd.-te chuan buaipuiin, card siamna atan hian cheng 94.50 sen belh a ngai a, hei hi license nei tawh tan niin, license thar siam turte chuan license siamna bakah cheng 94.50 an chawi belh a ngai dawn a ni.