2884/2022-2023 

Champhai, the 30th November, 2022: Vawiin chawhnu dar 3 khan Champhai District AIDS Prevention and Control Committee (DAPCC) chu World AIDS Day 2022 hman dan tur relin an Chairman Pu James Lalrinchhana, District Bawrhsap hovin DC Conference Hall-ah an thukhawm. 

District Bawrhsap Pu James Lalrinchhana chuan AIDS natna darh zel tur uar leh zuala do tlan a tul thu sawiin, World AIDS Day puala hun hmanah zirtirna zau zawk pek tum a ni, a ti a. Inzirtirna zau zawk kalpui chuan rah tha a chhuah ngei a beisei thu sawiin, department leh mipuite inkarah thawhhona tha a awm zel a pawimawh thu a sawi a. District mipuite AIDS natna do kawnga thahnemngai taka tanrualpuiah a sawm a ni. 

Thukhawm chuan naktuk December ni 1, 2022 chawhnu dar 1 hian Govt. GM High Sçhool Assembly Hall-ah World AIDS Day puala hun hman nise a ti a. He huna program hman dan tur duante leh senso tulte sawiho niin pawm a ni a. Hemi ni chawhma dar 10 ah hian Govt. GM High Sçhool Assembly Hall-ah Middle School, High School leh Higher Secondary School zirlaite pualin thupui thlan bik hmanga on the spot painting competition buatsaih tum a ni bawk.