565/2023-2024

Champhai, the 24th May, 2023: Champhai District chhunga ATM Booth 10-na ni turin SBI ATM Booth Bethel kawn ami, Pu Thangkhanmunga Building, Bethel kawn kawngpui an a siam chu vawiin tlai dar 4 khan District Bawrhsap Pu James Lalrinchhana chuan a hawng.

District Bawrhsap Pu James Lalrinchhana chuan Champhai Bethel kawna SBI ATM Booth thar hawn a ni chu lawmawm tiin, vawiin ni hian Champhaiin banking lamah hmasawnna rahbi thar kan kai a ni, a ti a. Bank Branch-a kal kher ngai lova ATM kaltlanga service pawimawh tak tak pekchhuah theih a nih thu sawiin, SBI Bethel Branch bulhnai mai, hmun ualau leh sumdawnna hmun pawimawh tak Bethel kawna ATM Booth thar hawn chuan mipuite tan remchang a siam ngei a beisei thu a sawi a. A hriatpui tura khawtlang hruaitute an tel chuan thawhhona tha tak a lantir thu pawh tarlangin, Bank-te chu mipuite thian an nih hriaa pawh lehzual turin mipuite a chah a. Banhk thawktute pawh mipuite rawngbawk an ni tih hriaa theihtawp chhuah turin a chah a. SBI ATM Booth hawn thar chu Bethel veng mai nilo District mipuite chhawr tangkai theih turin a hawng a ni.

SBI ATM Booth Bethel kawn ami hawnna hun hi Pu Lalchawimawia Sailo, SBI Champhai Branch Manager-in a kaihruai a. He hunah hian Lead District Manager Pu J.M Soren, SBI Bethel Branch Manager Pu Thangkhanlian Tonsing, thawktu dangte leh khawtlang hruaitute an tel a ni. ATM Booth hawnfel hnu hian District Bawrhsap hian SBI Bethel Branch tlawhin hmalaknate a enfiah a ni.