Vawiinchawhmadar 11 atang khan Champhai DC Pu Vijay Kumar Bidhuri, IAS hovin Champhai District a NGO, YMA, VC, MJA leh a kaihhnawih department ten Champhai khaw chhung kawngpui zauh dan tur en in veng hrang hrang an tlawhkual.
Kar hmasa khan Champhai DC ho hian Disaster Management chungchangah meeting neih a ni a. Chumithurel zing a pakhat chhiatrupna lo thlen palh thulh ah pawh kawngpui zim lutuk leh rualrem lo te chu siamthat, kawng kual laih zauh leh leivung a hnawhkhah dan zawn nise tihrel a ni a.Chumi bawhzui nan chuan vawiin chawhma khan District Bawrhsap ho hian veng hrang hrang tlawhkual a ni ta a ni.
Chhangphut field pan thlakna, motor inherna rem lo tak chu a chhak kawng kual 162 metres vel (a seizawngin)chu laih zauh tura ruahman a niin helai area hnaihtu Kahrawt, Vengthlang lehVengthlang North VC ten en a la sawiho leh tur a rel a ni. Bethel venga Champhai District MJA Press Club sak lai mek, a then luah tawh chu kawng zauh duhna avangin thiah nise MJA te chu a bullawka ram ruak chu pek ni zawk se tia en ho a ni a, thutawp erawhchu la sawi ho leh tur a ni.
Bethel veng Presbyterian Biak In thlangkual PWD road chu laihzauh a,lungrem tur a tih a ni a. Biak In kawng hi 25 metres an tawlh lut anga, kawng siamthar in zauh nghal tur a ruahman a ni. Hengbakah hian Sericulture office bul a 50 metre( a seizawng) a kawngzauhte, Kanan veng BRTF kawng laih zauh leh siam that te bakah New Champhai kawng pawimawh tak Double lane a siam tur a leivung hnawhkhah dan tur te en ho a ni.
Vawiina District Bawrhsap in Champhai khawchhung kawngpui siamthat nana hmalakna turah hian a tul angin NREGS leh BADP sum atangte leh sum remchan dan anga hmalak tum a ni a.Champhai VC, NGO, YMA, MJA kalkhawmte chuan DC viak tha leh chak tak an neih avanga lawmthu sawiin bawhzuina kawngah pawh theihtawp chhuahpui an inhuam thu an sawi a ni.
