Vawiin ni 10.07 2012 zing dar 9:30 khan Mizoram Chief Minister Pu Lal Thanhawla chuan Union Home Minister Pu P. Chidambaram a kawm a, Tuikuk raltlante laklet chungchang leh Mizoram chungchang thil pawimawh dangte an sawi dun.

Home Minister chuan Tripura atanga Tuikuk raltlante laklet chungchanga Mizoram sawrkar hmalaknaah lawmthu a sawi a. Hemi chungchanga State sawrkarin a tihtur tulte a ti vek chung pawh a harsatna la awm thinte chu anmahni Tuikuk hruaitute zinga mi thenkhat, anmahni hamthatna um avanga kawhmawh bawl thinte hnathawh a ni tih a hriat thu pawh Chief Minister hi a lo hrilh. He harsatna sukiang tur a Central leh State sawrkarin hma an lak zui dan turte pawh an sawi dun a ni.

Mizoram chhunga dan kenkawh chungchang leh HPC (D) chungchanga hmalak dan tur pawh Chief Minister hian Union Minister hi uluk takin a sawipui bawk. Union Home Minister hian Mizoram Chief Minister leh a thawhpui Minister dangten Mizoram hmasawnna hna an kalpui dan leh an hmalaknate a lungawithlak thu sawiin lawmthu a lo hrilh bawk.

Chief Minister hi Pu H. Rohluna, Minister, FCS&CA leh Pu K.S. Thanga, Parliamentary Secretary ten an tawiawm a ni.