Tukin zing Dar 7:30 khan HPC Vice Chairman Pu Joseph Lalhimpuia chuan Lunglei Farm veng a Liandala mini Sport Complex siam mek leh Farm Veng Bazar hmun tur Vety Depatment ram chhung ami te tlawh in hna thawktu, khawtlang hruaitute leh Vety Department hotute a kawm.

HPC Vice Chairman hi HPC member te, khawtlang hruaitu te, AH & Vety Joint Director, DVO leh media miten an tawiawm a, khawtlang hmasawn nan a ram petu AH & Vety Department changtu Minister leh Department chungah lawmthu sawiin Bazar sak hna hi a hma thei ang ber ah tan a ni ang a ti. Lunglei Farm veng chhung a mi tho Liandala Mini Sport Complex pawh tlawh nghal in hna thawh zawh chin a endik nghal a. He mini Sport Complex hi HPC sum hmang a siam mek Volley ball Court, Tennis Court leh Basket Ball Court bak ah Rural Development Department sak Indoor Stadium- Table tennis leh Badminton khelh theihna te a tel a ni.

Hemi rual hian Ramthar veng a Field laih mek Rs 4.50 lakh ruahman a laih mek chu a hmun ah en nghal in a dung hi 100metre leh a vang 85meter tur a ruahman ani a, tun a pawisa neih chin hian a thawh zawh theih dawn loh avangin a tul dan a zir in pawisa ruahman belh zel tum anih thu Vice Chairman hian a sawi a. He field hi a laih mai bak ah lungrem a dawl ngai tam tak a awm bawk a, he a sum senso atan hian Ramthar VC te chuan DRDA lam atangin sum ruahman theih an inbeisei thu an sawi bawk.