15/2022-2023
Champhai, the 1st, April, 2022: Champhai District Bawrhsap thar tura ruat Pu James Lalrinchhana, MCS chuan vawiin chawhnu khan Champhai District Bawrhsap mawhphurhna la lailawktu Pu Henry C.Lalrawnkima, MCS, Addl. DC Champhai hnen atangin DC mawhphurhna a la fel a, Pu Henry C.Lalrawnkima chuan Addl DC, Champhai hna a chelh chhunzawm dawn a ni.

District Bawrhsap thar Pu James Lalrinchhana chuan DC Office thawktuten mawihnai taka an dawnsawnna avangin lawmthu a sawi a. District Bawrhsap mawhphurhna la lailawktu Pu Henry C.Lalrawnkima'n hmunawl hriat miah loh leh hneh taka a lo hnawhkhat chu fakawm a tih thu a sawi a. Kum 2003 ah DC hmun hluiah ADC hna zawma Champhai a awm tawh thu sawiin, a lo let leh tumah District Bawrhsap mawhphurhna chelh tura tih a nih thu tarlangin, boruak tha tak hnuaiah mipuite rawngbawl hna thawk turin Sawrkar hnathawk, NGO, VC, Kohhran leh District mipuite tawiawmna a ngen a, finchhuaha thawhpui zel turin a sawm nghal bawk a ni.

Addl. DC Pu Henry C.Lalrawnkima'n DC thar lawmna thu a sawi bawk.

Pu James Lalrinchhana hi Mizoram Sawrkar School Education Director hna chelh mek Champhai DC tura sawn a ni a. Kum 2003 a MCS hna zawm a ni.