14/2022-2023
Lunglei the 1st, April’ 2022: Vawiin chawhnu khan Lunglei Bawrhsap Pu Kulothungan A, IAS leh Chairman, DTFI hovin District Task Force on Immunization thutkhawm a ni. Intensified Mission Indradhanush(IMI) 4.0, Covid 19 vaccine chungchang thlirletna bakah National Deworming Day (NDD) pek dan tur rel a ni.

Meeting ah hian IMI 4.0 2nd round thlirletna neih niin 2nd round ah hian naupang vaccine pek zat chu target 114 ah 114 (100%) a ni a, Nu naupai vaccine pek zat hi target 12 ah 14(116.67%) a nih thu tarlan a ni. IMI 4.0 2nd round 4th April 2022 atanga pek tur hi khaw 38 ah kum 2 hnuailam 128 leh nu naupai 11 te an ni. Lunglei District chhunga Covid 19 vaccine pek dan 1st dose ah 113652, 2nd dose ah 93682 leh Precaution dose ah 4677 a vaiin 212011 pekchhuah a ni. Lunglei District chhunga kum 12-14 covid 19 vaccine pek tur target chu 6041 a ni thu tarlan ani bawk.

Meeting in a tarlan danin August-October, 2021 chhungin kum 1-19 mi 52787 te hnenah rulhut hlo pek a ni. National Deworming Day 2022 chu April ni 20 ah School leh Anganwadi Centre bakah School leh Anganwadi Centre a kal lo pawh kum 1-19 pawh rulhut hlo pek tum a ni. Hemi ni a eilo te chuan MOP up Day April ni 26 ah hian an ei thei ang.

DTFI meeting chuan Civid 19 vaccine la tur te chuan Chief Medical Office hlui hnuai ah lak tawh tur a ni.