Vawiin khan Champhai DC Conference Hall-ah Champhai District Bharat Scouts & Guides President atana Champhai District Bawrhsap, Pu Vanlalngaihsaka, IAS ruatna, President Investiture Programme neih a ni a. He hunah hian Champhai Presbyterian English School hnenah Golden Arrow award hlanna neih nghal a ni bawk.

President Investiture Programe hi Pu Lalngilneia Colney, District Bharat Scouts & Guides Secretary-in a kaihruai a. Scouts & Guides tobul sawifiahin an hmalaknate a tarlang bawk. President thar, Champhai District Bawrhsap Pu Vanlalngaihsaka pawhin thusawiin khawvel pum huap pawl liana lawmluh a nih avangin lawmthu a sawi bawk. President Investiture Programe hi Pu Lalnunmawia, Champhai District Bharat Scouts & Guides Hqrs. Commissioner-in lawmthu sawiin a khar a ni.