3547/2023-2024

Champhai the 29th January, 2024 - Vawiin chawhnu khan Champhai District Consultative Committee Meeting chu an Chairman leh Deputy commissioner ni bawk Pu James Lalrinchhana kaihhruaiin DC Conference Hall, Keifangtlangah neih a ni.

Kum 2024-25 atan a NABARD in Potential Linked Credit Plan a tihchhuahah; cheng Nuai Rs. 19,117.17 Champhai District tana a ruahman chu Chairman-in a tlangzarh bawk a ni.

DLCC Chairman Champhai District Bawrhsap Pu James Lalrinchhana chuan Bank te chu mipui leh khawtlang hmasawnna atana hnathawktu pawimawh tak an nih thu sawiin, an hmalakna apiangah mipui hamthatna dah hmasa thin tura chahin Bank hrang hrang inkarah thawhhona tha tak a awm a tul thu a sawi a ni.

Meeting ah hian Champhai District chhung a Bank hnathawh hrang hrang thlirhona leh mipui tan a tangkai zawk a hmalakna tur rel ho a ni a.

September 2023 Quarter chhunga Bank hrang hrangte Deposit belhkhawm chu Rs. 53449/- lakh a ni a, Advance-ah(loan) cheng nuai Rs. 36,491.22 pek a ni bawk. Heti hian Champhai District Credit Deposit Ratio chu 68.27% a ni.

Champhai District hi border area a nih avangin Bank branch-te an lo him zawk nan Mizoram Police-te chu venhimna hna uluk zawk a kalpui tur a ngen an ni.

Champhai District Chest Branch hi Mizoram Chest Branch pakua (9) zingah Cash Currency intodelh awmchhun a ni a, tun a currency chest kan neih hian min dawl zawh tawh loh avangin Reserve Bank of India chu strong room lian zawk leh retention limit sang zawk ngaihtuah tur a ngen ani.

Bank Performance tehna hrang hranga tehin; district chhunga bank branch-te an ti tha thawkhat niin a hria a, committee chuan an chungah lawmthu a sawi a ni.