Vawiin khan Champhai District Education Committee (DEC) chu Chairman (charge) Pi Lalsangpuii Hmar Addl Dc kaihhruaina hnuai ah an thukhawm.

He thutkhawmah hian Pu C. Lalbiakzauva Secretary DEC, Champhai hnen atangin Project Approval Board (PAB) 2016-17 RMSA hnuaia hmalakna leh hlawhtlinna te report ngaihthlak niin hmalakna hrang hrang 14,  In-Service Training for Teachers, School Annual Grant, Science Congress, Self Defense Training for Girls, kala Utsav (Art Festival) leh adangte chungchangah report a pe a. Pu Hualrikhuma Dy DPC RMSA hnen atanga report dawn danin Vanchengpui khua ah nuai 83.5 senga sikul sak mek a ni a, cheng nuai 14.3 senga Govt GM High Sikul Champhai a Laboratory sak mek  chu 90% zawh tawh niin Leisenzoa Zirtirtu Quarter 2 sak mek chu 90% zawh tawh niin a tarlang bawk a ni.

Hemi bakah hian kum 2017-18 chhunga RMSA hnuaia hmalak tumna (Action plan) hrang hrang 19 zingah Shaala Siddhi -Sikul endikna programme thar chu 78% kalpui tawh nia tarlan a ni a, zirlai naupangte Excursion Trip na atana sum ruahman chu beitham a nih thu te sawiho niin hmachhawp dangte chu sawiho a nih bakah rawtna hrang hrang te pawh thlen a ni a. Pu Isaac Valalzuala Asst MIS CoOrdinator, RMSA chuan kalkhawmte chu RMSA hnuaia hmalakna te chu Video clip in a entir bawk a ni.

He meeting ah hian RMSA DPC leh Dy DPC bakah SSA DPC Pi Lalsiamliani, SDEO Khawzawl Pu Lalthanzira leh DEC Member te an tel tha hle a ni.