1965/2023-2024

Champhai the 21st September, 2023 – Kan hma lawka General Elections to Mizoram Legislative Assembly lo awm tur atana Champhai District-a mawhphurhna pawimawh chelhtu ‘Nodal Officers’ te chu nimin khan Champhai DC Conference Hall-ah Champhai DC & District Election Officer, Pu James Lalrinchhana kaihhruaiin an thukhawm.

Inthlanpui lo awm tur atan hian Champhai District-ah Nodal Officers mi 17 ruat an ni a. Heng te Champhai DC office-a officers-te leh DRDO, Police, P&E, PHE, PWD, H&FW, RD, UD&PA, Transport, leh I&PR hnuaia officer-te an ni a. Champhai District-ah election tluang leh felfai taka kalpui anih theihna tura inpuahchah tul hrang hrang – candidate-te sum hman chungchang; polling station a tui, electric current-te; inkalpawhna kawng tha ruahman; duty tur te training pek; media chungchanga mumal taka inkaihhruai, EVM; Postal Ballot; Dan leh thupek kenkawh; leh tul dang pawimawhte heng Nodal officer-te hian an buaipui dawn a ni.

Champhai DC & District Election Officer Pu James Lalrinchhana chuan inthlan hlawhtling taka kalpui anih theihnan Nodal Officer-te inkarah thawhhona tha a pawimawh takzet thu sawiin, a tul apiang inhrilh hre vat a, ke pen tlang turin a chah a. An mawhphurna theuh tlin taka an hlenchhuah theuh theihna turin ECi in inkaihhruaina a siam te bel taka lo inzir turin a chah a. Election chu Democracy rama hun pawimawh ber anih thu sawiin Nodal Officer-te chu an mawhphurna chu phurrit a la lovin, rilru zangkhai leh phur taka thawk turin a sawm a ni.

Nodal Officer-te hian anmahni mawhphurna zawn theuha hma an lak tawh te leh hmachhawp an neihte report pe in, election tluang leh felfai taka neih anih theihna tura hmalak tlan dan tur te an sawiho a ni.