Vawiin khan DC Office-ah Champhai District chhunga Final Electoral Roll tarchhuahna hun hman a niin,  Special Summary Revision a Voter punna hi 1065 a ni.

DEO Pu Lalthangpuia Sailo chuan he Final ER tarchhuah tur hi pho chhuakin,  Final ER (1.1.2014) a A/c 5 ah voter awm zawng zawng hi 78347 a ni.  Voter mi 78347 ah hian mipa 39001 leh hmeichhia 39346 an awm a.  ER a thunluh dil mi 2749 zingah mi 2132 thunluh thar an ni a,  mitthi,  pem leh hmun hnih a vote nei mi 1067 paih an ni thung.

A/c 5 ah 21 Lengteng bial punna sang berin 1.94% anih laiin a hniamna ber 22 Tuichang bialah 0.39 a ni thung.  Champhai District chhungah hmun hnih a vote nei (Double entry) mi 578 an awm tih tarlan a ni a,  heng zinga voter 278 te chu Champhai District chhung,  an awmna hmunah awm zui an duh zawk a,  voter 300 te chuan Champhai District pawn a an awmna hmunah awmzui an duh zawk vangin paih an nih thu Election Officer Pu R. Vanrengpuia'n a sawi.

He Final ER tarchhuahna hunah hian ERO,  AERO,  IPRO leh thuthar thehdarhtute an kal a,  Hriat fiah loh laite zawt a inhrilh fiahna hun hman zui nghal a ni bawk.