Vawiin chawhma dar 11 : 00 khan D.C’s Conference Hall Saiha-ah District Level Vigilance & Monitoring Committee chu Chairman, Pu CL. Ruala, MP ( Lok Sabha ) leh Co-Chairman, Pu Lalhmingliana, MP ( Rajya Sabha) te hova neih a ni.

He Meeting-ah hian Bialtu MLA Dr. K. Beichhua, District Bawrhsap Pu Alok Swarup IAS leh Chanchinbumi te, Tlawmngai pawl hrang hrang hruaitute bakah Saiha District chhunga Department hrang hrang 11 - DRDA, BDO Tuipang, BDO, Saiha, CMO, PWD, PHE, P&E, DHO, DCAO, DSWO leh ICDS hotute an tel a. Department hrang hrang hotuten Centrally Sponsored Scheme hnuaia an hnathawh hrang hrang te report pe in chipchiar taka en ho leh sawi ho a ni. Department hrang hrang ten an hnathawh zawh tawh leh an hmachhawp mek te chipchiar takin report an pek bakah harsatna an tawh hrang hrang te pawh sawiho niin sutkian a nih thei nan a theih ang anga hmalak tum a ni. Vawiin vek hian M.P. pahnih te hian Lawngtlai a District Level Vigilance & Monitoring Committee neihpui leh turin Saiha an chhuah san leh nghal a ni.