Mizo thalai 250 ten a thlawna Aviation & Hotel Hospitality, Travel & Tourism Management, Retail Management, BPO Training leh Spa Training a certificate course an zir theih nan Mizoram Youth Commission leh Emporium Training & Consultancy Pvt. Ltd., Kolkata te chuan January ni 31 hian Aizawl-ah thawhhona thuthlung an ziak dawn.
Thawhhona thuthlung hi Pu T. Saikunga, Chairman, Mizoram Youth Commission pisaah ziak a ni ang a. Mizoram Youth Commission aiawhin Secretary, Pu J.T.Vanlalngheta, leh Emporium Training & Consultancy Pvt. Ltd., Kolkata aiawhin Director, Pu Piyush Kheria ten thawhhona thuthlung hi an ziak ang.
Inremna ziak tur ang chuan Mizoram Youth Commission–in project a buatsaih ang a, chumi hmang chuan Mizo thalai 250 te hi a thlawnin Kolkata-ah training pek an ni ang a, training petu Emporium Training & Consultancy Pvt. Ltd., Kolkata, te hian training chhuakte India rama company lian, hlun leh rintlak tak takah hna an lo zawn sak thung dawn a ni.
jhp
