Vawiin khan Champhai District Football Association (CDFA) chuan General Body Meet 2017 I&PR Conference Hall, CHANEM Building ah an nei a ni.
He intawhkhawm hi Pu Hualrikhuma, President, CDFA in a kaihruaia, Champhai Bawrhsap Pu Vanlalngaihsaka, IAS in Chawhma inkhawm a hmanpui a ni. Bawrhsap chuan Zone, Veng, Club leh District Football hruaitute hmalakna chu fakawm a tih thu a sawi a, an thawhrah chu a taka hmuh theiha a awm mek thu sawiin Mizoram aiawh leh Mizorama Football club hrang hrangah Champhai District atanga Football player chhuanawm tak tak an awm thu a tarlang bawk a ni. Football Discipline a hruaitute chu thathlah loa tang zual sauh tura fuihin an hmalakna leh thawhrimna te chu Champhai chauh nilo Mizoram tana hmingthatna thlentu ni thei zel turin duhskana a hlan bawk a. Pu Vanlalngaihsaka chuan Champhai District Football leh Game Discipline dang tih hmasawnna tur kawnga tanpui a inhuam reng thu a sawi bawk a ni.
Pu Lalngilneia Colney, Champhai District Sports & Youth Services Officer pawhin thu sawiin Zone ,Club leh District Football a hruaitute chu midang tana eizawnna kawng sial sak tu leh malsawmna an nih thu a tarlanga, an hna te chu Rawngbawlna ah ngaiin thahnemngai taka thawk zel turin a chah a ni.
Inkhawmah hian CDFA hmalakna hrang hrang leh an sum lakluh leh hman dan report ngaihthlak niin chawhnu lamah Rorel inkhawm neih a ni a. Champhai District a Zone, Veng , Club leh District level a Football hruaitute an tel tha hle a ni.
