Vawiin chhun dar 12 khan Hospital Veng, Champhai, Welfare Committee chuan District Hospital coumpound cheimawina tur leh district khawpui cheimawina hrim hrim atan thing phun hnatlang an buatsaih a. Champhai District Bawrhsap Vanlalngaihsaka, IAS leh District Officer dang, DFO Pu Vanlalchuailova, IFS; SE (PHED) Pu Lalrammawia, DRDA Project Director Pu CC Lalchuangkima, MCS; Chief Medical Officer Dr. C. Zirliana; DIPRO Pu Neng Thianlala; Addl. SP Pu VL Lura Hauzel; EE (PHED) Pu K. Zohmingliana; leh Medical Superintendent Dr. Manuni bakah MJA Champhai District President Pu C. Lalhnunpuia ten an tel pui.

Hospital Complex, Kawipui Field, Champhaia thin phun hnatlang puala inkhawm tawiiah Champhai District Bawrhsap Vanlalngaihsaka, IAS chuan thing leh mau chereu mek ven him hi mitin mawhphurhna a ni tih sawiin, “Thing phun leh a enkawl I uar deuh deuh ang u,” tiin kalkhawmte a sawm a. Thusawitu dang SE (PHED) Pu Lalrammawia leh CMO Dr. C. Zirliana te pawhin thing phun leh a enkawl uar a tul thu leh a puitling sate humhalh that a pawimawh thu an sawi bawk.

Thing phun hnatlang puala inkhawm tawi hi DFO Pu Vanlalchuailova, IFS in a kaihruai a, Pu B. Laltanpuia, Hospital Veng Welfare Committee Chairman in lawmthu sawiin a khar a ni.

Inkhawm zawh hian District official kalkhawmte leh Hospital Veng hruaituten thingtiak an phun nghal a, vantlangin hnatlangin a hung hna an thawk nghal a ni

Attachment

  • Loading attachment...