District Level Chapchar Kut Celebration Committee chu vawiin khan Champhai DC Conference Hall-ah an Chairman DC Pu Vanlalngaihsaka hovin kumin a he ni lawm dan tur an ngaihtuah.

Kumin Chapchar Kut neih hun tura sorkar-in a ruahman March 4 chu Champhai khawpuiin March 3-6 inkar chhung KTP Ceneral Conference a thlen dawn vangin March 11-ah Chapchar Kut lawmna hun hi sawn a ni dawn a. Champhai Kahrawt Field-ah neih tura ruahman niin, kut a kal turte chu Mizo incheina silhfen a inthuam theuh tura tih an ni a. Kutpa atan Parliamentary Secretary Pu TT Zothansanga beisei a ni bawk. Chapchar Kut Organising Committee kaihhruainaah Working Agency atan Sub-Hqrs. YMA, Sub-Hqrs. MUP & MHIP bakah MZP Hqrs. Champhai ruat an ni a.

Chapchar Kut neihna tura tul leh pawimawh thawk turin Sorkar Department te chanvo hrang hrang mawhlatu turte ruatfel nghal a ni bawk.