Vawiin chawhma dar 11 khan DC Conference Hall ah District Level Monitoring Committee on Scheduled Tribes & other Traditional Forest Dwellers Act, 2006 chu an Chairman DC Pu Vijay Kumar Bidhuri hovin an thukhawm.

He meeting a Chairman Pu Vijay Kumar Bidhuri hovin neih a ni a. Schedule Tribe & Other Traditional Forest Dwellers (Recognition of Forest Rights) Act, 2006 chungchang chipchiar taka tarlan a ni a. He dan hnuaiah hian Forest rama 13th December, 2005 hmaa lo awm tawh ten he dan hi forest rights a sawite an hauh thei tih te bakah Forest rama mimal leh vantlangin rights an neih theihna tarlan a ni a. Hei bakah hian Forest ram ringa eizawng thinte pawh a huap tel tih sawilan niin Champhai District chhungah chuan forest dwellers te an awm lova, amaherawhchu hriat hmaih a awm palh takin Village Level Survey neih nise an ti. Champhai District a Sub-Division pathum : Champhai, Khawzawl leh Ngopa ah te Sub-Divisional Level Commisttee din a nih tawh thu tarlan a ni bawk.