Vawiin khan Champhai District Level Standing Committee chu an Chairman Champhai DEO Pu H. Lalengmawia hovin DC Conference Hall-ah Summary Revision of Electoral Roll, 2016 kalpui dan tur sawihovin an thukhawm.

Meeting kaihruaitu DC Pu H. Lalengmawia chuan electoral roll ennawn hna ah hian mawhphurtute theuh chuan an hna ah rinawm taka an thawh mai bakah thawhhona tha a pawimawh thu a sawi a. Roll ennawn lain dik lo taka tih tir tum a innawrna an tawng palh a nih pawhin thil dik ah engmah hlauhawm a awm loh thu sawiin official-te chuan tumah hlau lova an duty tha taka ti turin DEO chuan a chah a. Political party-te chu BLA (Booth Level Agent) ruat ngei ngei turin a chah bawk a. Inthlanna felfai kan sawi hian inthlan hun chhunga buaina chhuaklo ringawt a kawk lova, Electoral Roll-ah hming chuang thei chin chu a bo a bang awm lova an chuan mai bakah roll-a hming awm ten vote an thlak that leh thatloh ah te election felfai chu a innghat a ni, tiin Pu H. Lalengmawia chuan mawhphurtu official leh political party leh NGO-te chu thawhho puiah a sawm a ni.

Vawiin meeting-ah hian member-te chuan Roll-a hming thun chungchanga harsatna awm thei tur te sawi hovin, chung harsatna sutkian dan tur te leh constituency hrang hranga hmalak dan tur te an ngaihtuah ho a ni a. Meeting zawh hian ERO leh AERO-te tan bik training neih chhunzawm a ni.

District Level Standing Committee ah hian Election Officer bakah ERO, AERO, SP, District Education Officer, DIPRO, Political Party aiawh te, Tlawmngai pawl hrang hrang leh MJA aiawh te member an ni.

Attachment

  • Loading attachment...