Chief Minister Pu Lal Thanhawla hoin vawiin khan a office cabinet room-ah digital India chungchang sawihona neih a ni.

Chief Minister chuan thuhma sawiin Digital India chungchang hi kan la hre tawk vaklo nia a hriat thu a sawi a. Hlawhtling tura kalpui tur chuan kan rilru puthmang her danglama, ngaihtuahna thar nen kan kalpui a tul a ni a ti a. Chief Minister chuan e-governance hian sorkar hna nasa taka ti awlsam thei a nih thu leh sum leh hun lamah pawh kan hlawkpuina tur a ni tiin, langtlang sorkar a taka kalpuina tur a ni a ti. Central sorkar pawhin a ngaihpawimawh thu a sawilang bawk a ni. chief Minister chuan digital India hian sorakar department leh mipui te inpawh tak an awm chu a thil tum anih leh sorakar hmathatna awm te electronic hmanga an hmuh theih nan a ni a ti a. Thingtlang khuate high speed internet hmanga thlun zawm te a tum a nih bawk thu a sawi a. Hriselna lam leh zirna lamin a tangkaipui thei hle dawn ani a ti a.Mobile Tower bun nan sorkar department building tinte chu hman phalsak anih thu a sawi a. Digital India hian sorkar nelawm leh chak a siam thei a ni a ti.

Meeting-ah hian Digital India in a tum ber chu technology hmanga khawtlang chawikan leh sum dehchhuahna lama hriatna tih zauh anih thu tarlan a ni a. A hmathlirah chuan India khua leh tui tinten digital infrastructure hman tangkai te, sorkara hamthatna awmte haichhuah leh mitin technology hmanga tihchakte anih thu sawiho a ni a. Digital India chu innghahna lungphum pakua a neih thu leh chungte chu Broadband Highways, Universal Access to Mobile Connectivity, Public Internet Access Programme - National Rural Internet Mission, e-governance : Reforming Government through Technology, e-Kranti-Electronic Delivery of Services, Information for All, electronics Manufacturing, Information Technology for Jobs leh Early Harvest Programme te anih thu sawiho a ni bawk a. Mizoram sorkar department engemawzah chu computerized anih thu tarlan a ni bawk a ni.

Meeting-ah hian BSNL hotute an tel a, Mizorama hma an lakte an sawi bawk a ni.

Meeting-ah hian Minister te, sorkar official hotulu te leh ICT Department official-te an tel a ni.