2401/2022-2023
Champhai, the 21st October, 2022: Tun hnaiah Bawng atangin ran natna, Foot & Mouth Disease (FMD) vei hmuhchhuah anih avang leh Champhai District-a Myanmar ramri hnaih khaw thenkhatah he natna vei ni a rinhlelh bawng hmuh an nih avangin District Magistrate, Pu James Lalrinchhana chuan he ran natna hian State leh District a tihbuai lohna turin leh ran vulha eizawngte himna turin Sec. 144 CrPC, 1973 (Act II of 1973) in thuneihna a pek angin a hnuaia khapna thupek hi a chhuah.
1) Champhai District chhungah Myanmar atanga bawng lakluh phal a ni lo.
2) Champhai District chhungah bawng phurh sawn/khawih chet rih loh tur a ni a, hri kai lo ni a hriatte pawh hmundangah phurh sawn khap tlat a ni.
He thupek zawm lo tu chu IPC Sec. 188 hmanga hrem a ni ang. He thupek hian chhuah anih (21.10.2022) atanga thla hnih (2) chhung a huam ang.
