2400/2022-2023
Aizawl, the 21st October 2022: Dr Lalhriatzuali Ralte, Aizawl District Bawrhsap chuan a hnuaia tarlan ang hian halpuah, halmawi, sky lantern leh silai lem (a mu kap chhuak thei chi) te khapna thupek a chhuah.
Hunpui kan hman thin Krismas leh Kumthar kan lo thleng leh dawn ta a. He hun hi Aizawl District mipuite'n dam leh hlim taka kan hman theuh theihna'n, boruak thianghlim lo leh bengchheng siam thei halmawi leh halpuah te, kangmei chhuah palh thei Sky Lantern te, mihring leh thil dang tana inhliam phah theih silai lem (a mu kap chhuak thei chi) te hi khap ngei a tul a. Chuvangin, Aizawl District chhungah halpuah, halmawi, sky lantern leh silai lem (a mu kap chhuak thei chi) te lak luh, zawrh, hralh leh hal leh hman te khap tlat a ni.
He thupek bawhchhia chu IPC Section 188 hnuaiah hrem theih a ni ang. Thupek hi, tih danglam a nih loh chuan, puan a nih atanga thla hnih (2 months) chhung hman tur a ni ang.
