2398/2022-2023
Aizawl, the 21st October 2022: Vawiin khan Art & Culture Department leh Siniung Hills Council-te tangkawp buatsaihin Zawngin Khua-ah Cultural Meet neih a ni a. He hunah hian Pu R. Hmingthanzuala, Director, Art & Cultural Department chuan khuallian niin he Cultural Meet hi a hmanpui a, Pu Ricky Lalremsanga, Executive Member, Sinlung Hill Council chu Khualzahawm a ni.

Pu R. Hmingthanzuala chuan khaw bul vela ramngaw tha tak tak te hlut thiam zel a, nungcha, sava leh ramsa te humhalh a vawnghim zel turin a chah a. Ram leh hnam humhalhna kawngah hian a ram leilung, thing leh mau leh nungchate nena Ecological balance tha tak neia cheng ho tur kan nihna hriatchian a tul tih a sawi.

Ram leh hnam nghet taka a din zel theihnan zuk leh hmuam ruih theih thilah insum tlat a tul thu a sawi bawk.

He Cultural Meet-ah hian Zawngin, Suangpuilawn 'N', Luangpawn leh Suangpuilawn khua atangin Cultural Troupe-te an tel a, mipuiin an hlutin hun tha leh nuam tak an hmang a ni. Zawngin khua hi 'Puma' zai lo chhuahna a ni a, 'Puma' zai lam hmuhnawm tak an entir bawk a ni.