3075/2022-2023
Champhai, the 16th December, 2022: Champhai District huamchhung khaw hrang hrangah phalna nei lova petrol leh diesel zuar/hralh an awm nia hriat anih avangin District Magistrate Pu James Lalrinchhana chuan dan lova Petrol leh Diesel zuar lo turin mipuite a hriattir.

Hriattirna chhuah chuan dan lo/phalna nei lova Petrol leh Diesel kawl leh zawrh chu kangmei tichhuak thei anih avang leh mipui tana him lo anih avangin Section 5 of The Mizoram Motor Spirit and High Speed Diesel (Prevention of Malpractices in Supply and Distribution) Order, 1992 in a khap tlat thu leh, hetiang tilui ni a hriatte chu dap (check) leh man nghal theih an nih thu a tarlang a ni.

He dan bawhchhiate chu Section 7 of The Essential Commodities Act, 1955 hmanga hrem theih an nih avangin District Magistrate chuan Champhai District mipuite dan lova Petrol leh Diesel zuar lo turin a hriattir a ni.