3074/2022-2023

Aizawl, the 16th December 2022: Tukin zing karah khan India ram hmundangte rualin Vijay Diwas (Hnehna Ni) puala programme buatsaih chu War Memorial, Treasury Square-ah Governor Hari Babu Kambhampati hovin hman a ni.

He hunah hian Governor Hari Babu Kambhampati in India Sipai huaisen te zahna chibai bukin Martarte thlanah pangpar a dah hmasa ber a. Chief Minister Pu Zoramthanga leh mi pawimawh dang te pawhin Governor hnung zui hian Martarte zahna an lantir a ni.

Sawrkar Civil leh Sipai lam hotute atangin Pu Ajay Chaudhry, IPS, Additional Director General of Police, Brig Digvijay Singh, SM, Sector Commander, 23 Sector, Assam Rifles, Dr Lalhriatzuali Ralte, IAS, Deputy Commissioner, Aizawl, Pu Rajesh Kumar, Deputy Inspector General, Sector HQ, BSF, Col Asturkar Vikram Vijay Rao, Station Commander, Stn HQ Aizawl leh Pu SM Habid Ajgher, Commandant, 225 Bn CRPF te bakah high official engemawzatin an dah a. Anni bakah hian Sipai Officer lian te leh Ex-Services League hruaitute pawh an tel bawk a ni.

Vijay Diwas (Hnehna Ni) hi kumtin December 16-ah India ram pumah hman thin a ni a. Hemi ni hi India sipai ten Indo-Pakistan war of 1971-ah Pakistan laka hnehna an chan ni leh tunhmaa East Pakistan tuna Bangladesh pian chhuah ni hi a ni. He indonaah hian Pakistan sipaite chu tlawmin an awp ram East Pakistan tia hriat chu Bangladesh tia thlak a ni ta a. He mi tum hian Pakistan sipai lalber (Chief of the Pakistan Forces) General Amir Abdullah Khan Niazi chu a sipai 93,000 zet nen hnuaiah Ramna Race Course tuna SuhrawaryUdyan, Dhaka-ah General Jagjit Singh Aurora kaihhruai allied forces (India sipai leh Mukti bahini) hmaah an inpe a. Hemi ni hi Bangladesh chuan Bijoy Dibos tih hmingpuin an lawm bawk thin a ni.