No.987/2020-2020

Covid-19 hripui leng mek avanga Sawrkar ruahmanna kaltlanga Mizoram mi leh sa State danga awmte haw theihna hun siam sak anih avangin, Champhai District tana Qurantine Centre awmsa pathumte; DPRC Keifangtlang, Polytechnic Building Tlangsam leh Land Custom Station, Zokhawthar te bakah a thar ruat belh tula hriat a ni a. District Magistrate Pu Mark Lalthanliana chuan ‘The Mizoram Epidemic Diseases (COVID-19) Regulations, 2020 hnuaia Section 11(2) in thuneihna a pek angin, Tourist Lodge Champhai chu tangkhang lo hawte ni 14 chhung atana khunghranna tur hmun, Quarantine Centre atan a ruat bakah Tourist Lodge-a eirawngbawltute pawh Quarantine Centre-a awmte ei leh in siam sak tura ruat an ni.

Tun dinhmunah Champhai district-ah Quarantine Centre a dah mi 33 awm mekin, DPRC Keifangtlangah khunghran an ni.