DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/champhai-district-magistrate-in-silai-tung-turin-hriattirp

CHAMPHAI DISTRICT MAGISTRATE-IN SILAI TUNG TURIN HRIATTIR

4367/2023-2024

Champhai, the 27th March, 2024: General Election to Lok Sabha, 2024 lo awm tura inthlanna dik leh felfai tak neih a nih theihna turin Pu James Lalrinchhana, District Magistrate, Champhai District chuan Section 144 Cr.PC 1973 in thuneihna a pek angin Champhai District chhunga silai neite zinga silai tung tura thlan chhuah leh hriattirna dawngte chu an awmna khua/veng atanga hnai ber Police Station/Police Out Post-ah an silaite tung vek turin a hriattir.

He thupek hi Election Commission of India thuchhuak angin Screening Committee for Deposit of Licenced Arms ruahmanna siam bawhzuina a ni a. Order hian chhuah ni March ni 26, 2024 atanga inthlan zawhfel thleng a huam ang.

Silai tung tura tihte chuan hriattirna an dawn atanga ni 7 chhungin an silai an tung ngei tur a ni. Thupek bawhchhia chu IPC Section 188 hmanga hrem theih an ni ang.