4368/2023-2024

Aizawl,  27th March, 2024: Vawiin khan Lengpui Village Council Community Hall, Lengpui ah Krishi Vigyan Kendra (KVK), Mamit district, Lengpui leh HIL (India) Limited (Hindustan Insecticide Limited) te ṭangkawp chuan Farmer Training Programme on Safe and Judicious use of Pesticides on Adopting IPM Practices tih thupui hmangin Training an buatsaih.

He Training ah hian Pu T. Lalhmingmawia, District Agriculture Officer (DAO) Mamit district, Mizoram chu khuallian niin Pu B. Lalchamliana, Divisional Horticulture Officer (DHO), Mamit district, Mizoram chu khualzahawm a ni. HIL India Limited aṭangin Pu Partha Pratim Pradhan leh Pu Ashok Kumar Jarwal, FPO CAMCO ten Agriculture Damdawi hman fimkhurna chungchang an sawi bawk a. He training ah hian Agriculture damdawi hman dan leh fimkhurna tur chungchanga Loneituten an hriat tur pawimawh tak tak zir ho a ni a, Dr. Vanlalhruaia, Subject Matter Specialist (Plant Protection) leh Pi Lalmalsawmi, SMS Agromet (DAMU) ten zirtirna an pe bawk.

He training hi Dr. Vanlalhruaia Hnamte, Senior Scientist & Head in kaihruaiin Loneitu mi 250 aia tam zet an tel a ni. Chawhnu session ah Natural Farming chungchang Zirho na neih nghal a ni a, Pu Vanlalhmuaka Ngente, Subject Matter Specialist (Horticulture) in zirtirna a pe a, thlaichi tam tham tak loneitu te hnenah sem a ni bawk.