4369/2023-2024

Mamit 27th March, 2024 : Kan hma lawk April 19th 2024 -a MP General Election kan neih turah mipuite hnena vote thlak pawimawh zia inzirtirna District Election Office, SVEEP (Systemetic Voter's Education and Electoral Participation) kaltlanga neih a ni.

Vawiin Street campaign-ah hian Pu Paul Rokima, Nodal Officer SVEEP/ DIPRO chuan kan hma lawka  MP (Lok Sabha) inthlan kan hmachhawn turah Mizoram pawhin a phase khatna April 19, 2024 khian Parliament-ah kan aiawh tur kan thlang ve dawn a, Mipui sawrkar, mipui tan leh mipui atang ngeia kan ram aiawh kan thlang thei hi democracy thatna leh hlutna chu a ni tiin, Election commission of India-in mipui vote nei te'n vote kan thlak chu a ngai pawimawh hle a, pianphunga rualbanlo/mahni che sawn theilo leh kum upa zawk 85+ te pawhin vote an thlak theih nan ruahmanna a siam a, thalai naupang  zawk leh harsatna neilo Polling booth pan thei te phei chuan vote kan thlak ngei chu danin min phut tlat a ni a ti.

Vawiin vote thlak pawimawhna inzirtirna hi  Mamit Field kawn, Mamit Bazar veng, Mamit Charkawn leh Dinthar Bazar Mamit-ah te neih a ni a. Naktuk hian Damdiai, Zawlnuam leh Kawrthah-ah te neih chhunzawm a ni ang a, hei bakah hian Minority Area Damparengpui, Tuipuibari, Rajiv nagar, Silsuri, Marpara-ah te neih chhoh tum a ni bawk.