No.3565/2021-2022
Aizawl the 6th January, 2022: Sawrkar laipui, Ministry of Home Affairs lehkha No.1/32/2019-BM-II dt. 13.11.2019 leh Mizoram Sawrkar Home Department lehkha No. D.32021/9/2019-HM dt. 2.12.2019 in dan kalha Myanmar atanga kuhva leh thinghmarcha lakluh leh phurh chhuah khap tura a tih bawhzuina kalzelah Pi Maria C.T Zuali, District Magistrate, Champhai District chuan CrPC 1973 (Act II of 1974) Section 144 in thuneihna a pek angin Champhai District chhunga Customs/Police/Assam Rifles Checkgate leh kawng tum dang dang atanga dan dinglai hrang hrang kalha kuhva leh thinghmarcha lak luh leh phurh chhuah khap tlat a nih thu nimin January ni 5, 2022 khan a chhuah.

Hei hian e-waybill lem hmang leh customs duty leh chhiah (tax) chawina lehkha awm loa bungraw phurh a khap tel nghal a. He thupek hian chhuah a nih atanga thla 2 (hnih) chhung a huam ang a, a zawm lote chu IPC Section 188 hmanga hrem an ni ang.