No.3566/2021-2022

Aizawl 6th January 2022 : Vawiin chawhma khan DC Conference Hall, Kolasibah ram pass hrang hrang dilna lut 95 ngaihtuahin Land Committee chuan thutkhawmna an nei a, Dr.H.Lalthlangliana, Deputy Commissioner chuan kaihruaiin Sawrkar Department hrang hrang atanga aiawhte, khawtlang hruaitute leh Political party aiawhte an tel a ni.

Pu Lalmuanpuia, SO, Member Secretary, Land Committee chuan ram pass dilna endikna kalpui dan tlangpui sawi zauna neiin dilna lutte chu Land Revenue & Settlement department-a thawktuten a hmun a endikna an kalpui thin thu a sawi bawk a ni.

Vawiin Land Committee thutkhawmnaah hian Kolasib khaw chhung, Rengtekawn leh New Builum atangtein House pass 61, Periodic patta 27 leh Land Lease 7 dilna lutte enho a ni.