Champhai District a AH & Vety Deptt. hnuai a NLUP Bawng Lian thlang tute dawn tur, Thingdawl Quarantine Shed atanga lo thleng bawng truck trip 8, Bawng 32 chu Nimin (Dt 5.3.2013)tlai dar 4:30Pm khan Pu TT Zothansanga Champhai North Bialtu MLA chuan Kahrawt Field ah Khaw hrang hrang a sem turin a vailiam. Champhai Dist. ah Bawng thlangtu Beneficiaries 111 tan Bawng lian 222 mamawh a ni a,Nimin tlai khan Truck trip 7 lo thleng in vawiin 6.3.2013 hian truck trip 6 a lo thleng leh dawn a ni. Truck trip khat ah hian bawng 8 zel phurh niin nimin a an semchhuah te chu Sialhawk- 2, Chawngtlai- 2, Khawhai- 2 theuh sem a ni a, Khuangthing, Khawbung South, Sazep a sem turin trip khat tirh liam a ni bawk.

He NLUP bawng sem tur vailiamna inkhawm hi Dr. Lalthanmawia Dist. Vety Officer(DVO) Kaihhruaiah hian Pu TT Zothansanga MLA chuan thusawiin Mizote hi ran vulh hnam kan ni a, kan eizawnna pawimawh ber te zing a mi a ni thin. Khawvel thangchak tak karah ran vulh zel rem lohna a lo awm ta a. Agriculture leh Horticulture a kan hmasawnna ten ran vulh a ti harsa ta a, kan ran vulh dan kalphung pangngai piah lamah, a chawm ngai zawng a ran vulhte a lo ngai ta a ni. Tun a kan bawgn sem hi Haryana atanga a chi tha kan lak a ni a, kan lak hmasak ah harsatna te kan neih avangin Fimkhur taka kalpui a ngai a, kan tumang hunah kan sem thei talo a ni a ti.

Bawng an sem hi Rs 125000/- man a ni a, tunah hian kan Sorkar hian NLUP mi 120000 pek a tum laiin, mi 135000 zet a pe thei ta zawk dawn a, heng ang tanpuina a nuai bi a mipui pek ang hi eng State-ah mah leh eng ram mahin an tih theih loh a ni a, Chuvangin a hlawhtlinna turin a dawng tute pawhin Mawhphurhna sang tak kan nei a ni.

Taimakna, Thawhrimna, inpekna thuktak nen a kan tih loh chuan Hlawhchham hi a awl em em a, hlawhtling ngei turin a dawng tute kan induhsak tak meuh a ni a ti.