Vawiin khan Champhai District a NLUP line Department te chu Champhai Bawrhsap Pu Vanlalngaihsaka kaihhruaina hnuaiah an thukhawm.

Thutkhawm ah hian Line Department te chuan NLUP Scheme an kalpui dan tarlangin Department tin ten Trade hrang hranga Beneficiaries te chan tur chu an sem zo deuh vek tawh a, 3^rd  leh 4^th Phase sem mek an la awm bawk. Hemi bakah hian NEDP hnuaia kum kalta a hnathawh te tarlan a ni a. Agriculture Department hnuaiah Champhai District huam chhunga hmun hrang hrang ah Link Road Km 57 laih mek a ni a, Horticulture Department hnuaiah Tui Dahkhawhlna (Water Tanky), Soil & Water Conservation Department hnuaiah Water Harvesting Tank  leh Sericulture Department hnuaiah Cocoon Storage House khaw 4 a sak tur proposal siam mek thu te tarlan a ni a. Tin NLUP-NEDP convergence chungchang ngaituah niin hmalak zui zel dan tur leh scheme kalpui meka harsatna hrang hrang awmte chu chinfel dan tur ngaihtuah a ni bawk.

Hemi bakah hian Vety Department Official chuan tunhnai Champhai District huam chhunga vawk thi chungchang chu tarlangin Vawk thih chhan chu PRRS ni loin Swine Fever a nih thu a sawi a, he natna hi India ram hmun hrang hrangah 1985 atanga awm tawh a nih thu tarlan a ni a. Natna chu fur intan dawn vel ah a rawn intan in fur ruahtui tam hun ah a reh ve mai thu tarlan a ni bawk. He natna hi a venna tur vaccine an pek thin thu tarlan a ni a tun hnaia vawk thite chu Vaccine lak loh vang a nih tlangpui thu tarlan a ni bawk.