Mizoram Food & Allied Industries Corporation Limited(MIFCO) leh SLT Liana & Sons Zarkawt chuan vawiin ni 13 July,2017 chhun dar 12 khan MIFCO theituite chak zawk a mipui lei theiha a awmna turin thawhdunna thuthlung an sign. He thawhdunna thuthlung(MOU) hi Pu J Hmingthanmawia, Managing Director, MIFCO Office-ah neih a ni a. MIFCO aiawhin Managing Director hian hming a sign a, SLT Liana & Sons aiawhin Pu Stephen F.Laltawnliana’n hming a sign bawk a ni.

MIFCO Chairman Pu PC Zoram Sangliana MLA hovin MIFCO in a thilsiamte chak zawkin ram chhung leh pawnah te kan hralh chhuah ang tih ngaihtuahho anih hnuah hetianga mimal nena thawh dun dan tur PPP (Public Private Partnership) a hmalakna hi kalpui a ni ta a ni. Tun atang chuan MIFCO theituite hi SLT Liana & Sons –in a zuar tawh dawn a.Whole Sale a lei duh leh a hnuaia Distributor ni duh tan pawh an mahni hnenah biak zel a ngai tawh dawn a ni.

MIFCO hian sorkar hmalakna NLUP hnuaia Tuikum Cluster-ah Sapthei chingtute nen hma an la mek a. RKVY & NLUP Fund atangin Sapthei chingtu chhungkaw 620 zet hnenah tanpuina a pe a .Tunah hian chung sapthei chingtute nen chuan hmala dunin Chhingchhip a sapthei herna khawlah Sapthei tui an sawr mek zel a. Heta an siam chhuahte hi bottle-ah siamin hralh a ni a, Heng bakah hian a hlawmin State pawn lamah pawh hralh chhuah mek a ni bawk.

Sapthei chingtute hnen atangin kumin chhung hian kum kal ta 2015-16 chhungin 1736.79 qtls lei a ni. Kumin kum kal lai mekah hianah hian quital 2000 vel beisei a ni. MIFCO enkawl NLUP (Tuikum Cluster) hnuaia Sapthei Trade thlangtute zingah NLUP hmalakna hi 73% zetin a  in an hlawhtling a ni.

Sorkar-in MIFCO chu changtlung zawka a kal theih nan tui thinghlim siamna (Packaged Drinking Water Plant) bun turin sum leh paiin a buatsaih mek a. Kumin Financial Year chhunga peih hman turin he project hi kalpui mek a ni bawk. Zemabawk a sa sawngbawlna pawh kumin chhung ngeia peih turin a kalpui mek bawk a ni.