Vawiin khan District Screening Committee on PMAY - Housing for All (Urban) chu Deputy Commissioner Conference Hall, Kolasib-ah District Bawrhsap Dr.Arun.T., IAS kaihhruaina hnuaiah an thukhawm a. Pu Hmingdailova Khiangte, Parliamentary Secretary (Tuirial Bialtu MLA) leh Pu K.Lalrinthanga, Parliamentary Secretary (Serlui Bialtu MLA) ten he hun hi an telpui.

He hunah hian Kolasib District chhunga census Town 4 (pali) heng - Kolasib, Kawnpui, Vairengte leh Bairabi khua a Housing for All kalpui dan tur an sawiho a. Hemi chungchangah hian a mamawhtu ten an hmuh ngei theih nana hmalak dan tur te sawiho a ni.

Kum 2017 Housing for All hnuaia Credit Linked Subsidy Scheme-ah hian beneficiaries te hnenah semtur zat (allocate) chu - Kolasib ah 140, Kawnpui ah 20, Vairengte ah 20 leh Bairabi ah 10 an ni.

He thutkhawmah hian Khaw pali atangin Joint VC Chairman te leh Bank Representative te pawh an kal tha hle a ni.