3226/2024-2025

Champhai, 27th November 2024: Bureau of Indian Standards (BIS)Regional Office, Guwahati buatsaihin vawiin khan BIS Standards chungchang inhrilhriatna (Sensitisation Programme) chu Video Conferencing hmangin neih a ni a. He hun hi Mizoram FCS&CA Department hotute leh District-a sawrkar official-te tan buatsaih niin, Champhai District a sawrkar official te pawhin NIC Video Conference Hall, Keifangtlang aṭangin an chhim a ni.

Sensitisation Programme hi Pu Lamsuanlun Tonsing, Scientist B, BIS chuan kaihruaiin, BIS hnathawh leh kalphung hrang hrang sawifiahna hun a hmang a. BIS Certification kalpui dan leh License chi hrang hrang pek chhuah dan te a sawi a. Mipuite chu an dikna chanvo hmang thiam tur a ngenin, manakonline<dot>in ah leh BIS Care App aṭangin ISI Mark, Hallmark leh BIS chhinchhiahna dik leh dik lo finfiah ṭhin turin a chah a ni.

He hunah hian Addl DC Pu K. Zorammuana hovin Champhai District-a Consumer kaihhnawih Department hrang hrang hotute an tel a ni.