2685/2023-2024

Champhai the 6th November, 2023 - Mizoram Legislative Assembly inthlan neih tura Champhai District huam chhunga Polling Station 84 a duty tur Polling party-te chu vawiin khan Despatch Centre, DC Office tualzawl atangin an chhuak a. Polling Official-te kalchhuahna hun hi Pu James Lalrinchhana District Election Officer leh Election official dangte kaihhruaina hnuaia neih a ni.

Polling parties-te hi Electronic Voting Machine bak ah Voting Compartment leh a tul ang material te ken tir an ni a. Polling Official-te hi an mahni bialtu Returning Officer leh Asst Returning Officer-te hnenah theuh in report-in an thil ken tur hrang hrang a kim leh kim loh endik sak vek an nih hnu ah an duty-na tur Polling Station panin an kal chhuak a ni.

Kum danga la tih ngai loh angin kumin Election-ah hian Champhai District Polling parties te tan Welcome Kit buatsaih sak an ni a. He Welcome Kit ah hian Polling parties te mamawh hrang hrang – toothbrush, toothpaste, shampoo, damdawi, first aid kit, thosi hlo, sahbawn leh ORS-te dah a ni.

Kumin Inthlanah hian Champhai District-ah a vawikhatna atan Polling Station tinah (Hmeichhe hlang duty na Pink Polling Station paruk tiam lovin) armed police an duty tel dawn a. He hmalakna hi Security lama hlauhthawnawm a awm vang ni lovin, Election kaihhnawihah venhimna tha zawk neih anih theihna tura hmalakna a ni.

Kumin Inthlanah hian Champhai District ah hmeichhe hlang duty na Pink Polling Station chu AC tinah PS pathum, a vaiin PS pakua – 23/21 Keifangtlang, 23/27 IB Veng, 23/24 Kahrawt I; 24/2 Chhungte, 24/18 Ruantlang, 24/19 Ruantlang Mualveng; 25/12 Leithum, 25/19 Dungtlang leh 25/20 Khawbung I te an ni.

Champhai District a Polling Station 84 awm te hi P-1 vek niin, Polling Parties te hi an kalna tur hlat dan a zirin a tahtawlin an chhuak a. Polling party-te phur tur hian Bus paruk (6) leh MaxiCab 71 te ruahman an ni.

Champhai District Final Electoral Roll, 2023 in a tarlan danin Champhai District ah Voter mi 57,180 an awm a, an zinga mi 27,880 te hi mipa niin, hmeichhe voter 29,300 an awm a ni.

 

Assembly Constituency

Polling Station

01.10.2023 tehfung hmanga Final Electoral Roll a Voter Awm Zat



Mipa

Hmeichhia

Total

23 – Champhai North

30

9,733

10,324

20,057

24 – Champhai Sout

25

10,185

11,161

21,346

25 – East Tuipui

29

7,962

7,815

15,777

TOTAL

84

27,880

29,300

57,180

 

23 Champhai North ah leh 24 Champhai South ah te mipa aiin hmeichhe voter an tam zawk a ni.


Voter Tamna ber Polling Station – 24 Champhai South hnuaia 24/12 Champhai Vengthar niin Voter 1346 an awm a ni.


Voter Tlemna Ber Polling Station chu 23 Champhai North hnuaia 23/21 Keifangtlang niin Voter 78 an awm a ni.

Attachment

  • Loading attachment...