2686/2023-2024

Mamit, the 6th November, 2023 : Vawiin khan DC Mamit Complex atangin MLA inthlanna buaipui tur Polling Party-te chuan an duty-na hmun tur Polling Station panin an kal chhuak tan a. Mamit District chhunga Polling Station 82-ah an kal chhuak a ni.

Polling Official-te kalchhuahna hun hi Pu V.L Remliana, District Election Officer leh Election Observers Pu Sudhansu Mohan leh Pu Rishirendra Kumar ten an an telpui a.

Chhun dar 11 khan EVM dahna Strong Room chu hawn niin, EVM hi lak chhuah a ni.

Vawiin ah hian Electronic Voting Machine bak ah Voting Compartment leh Polling Official-te mamawh hrang hrang pek chhuah a ni a. A hmun an chhuahsan hma in Returning Officer leh Nodal Officer-te enpuina hnuai ah EVM endikna leh EVM hnu chhuina, Traccar Apps an hmang ngei a ni tih enpui an ni bawk. Polling Official-te hi an mahni bialtu Returning Officer-te hnen ah theuh inhriattirin an thil ken tur hrang hrang a kim leh kim loh endik sak vek an nih hnu ah an duty-na tur Polling Station panin an kal chhuak a.

Vawiinah hian Mamit ah PS 33, Dampa ah PS 20, Hachhek ah PS 29 a duty tur te chu kim takin an duty na turah an chhuak theuh a, anni bakah hianah hian Sector Officer te pawhin a tul ang te la chhuakin, an duty na hmun tur lam an pan nghal bawk a ni.

DEO Pu V.L. Remliana chuan Mamit District chhunga constituency pathum a polling party zawng zawngte tluang taka Inthlanpui an buatsaih theihnan duhsakna a hlan a ni.

Mamit District ah hian MLA Bial 3 awmin voter 64787 a awm a, polling station 121 awmin chung zing a polling station 9 te chu pink polling station niin polling station 13 te chu venhim ngai bik - vulnerable polling station an ni a, Polling Station 6 (Hachhek bialah - Bajirungpa, Sotapa. Dampa bialah - Zodin. Mamit bialah - Chilui leh Khanthuam) polling station te chu ke a kal ngai niin Mamit Bial chhunga Dilzawl leh Tlangkhang polling station te chu Lawng hmanga kal ngai an ni bawk a ni.