Vawiin Dar 1:00 PM khan DC Conference Hall Keifangtlangah Sawrkar Laipui Scheme PMAY hnuaia insak tanpuina chungchang ngaituahtu, District Screening Committee on Pradhan Mantri Awas Yojana- Housing For All chu Chairman Addl DC Pu CC Lalchhuangkima hoin an thukhawm. 

 District Screening Committee thukhawm hian kumin kum tir lama insak tanpuina a thlawna dawn tur chi (Beneficiary Led Construction) an hawn Champhai District chhunga khaw 4- Champhai,Khawzawl, Khawhai leh Biate a diltu 3106 zinga 2125 te chu a pawma. Mi 981 te dilna chu pawmsak an nilo thung. Scheme ina a phut Aadhar Card (neih a ngai), Chhungkaw dinhmun pangai tak , in sa mek te (in neilo tana duan a ni), thla khata 25,000/- ai a tam lakluh te chu dilna pawmloh chhan langsar te an ni. 

Insak tanpuina dil te hi UD&PA Department Staff te chuan a hmunah kalin an endika, chung an endik atanga tanpuina hmu theu tura an thlan te list chu he Committee hian a pawmpui a ni. Thutkhawm chuan kum hmasa lama an hmalak tawhna te pawh thlirletna neiin, Scheme tih hlawhtlin nana harsatna hrang hrang an tawh te chu chinfel dan zawn nise tiin a kaihhnawih Department hrang hrangte, Bank te leh Khawtlang hruaitute ten tha zawka thawhoh dan ngaituah nise tiin a rel bawk a ni. 

Thutkhawm ah hian ASO Pu Remlalliana Hnamte, MCS, DUDO  Pu K.Lalhmuakliana MCS, UD&PA Officials, State Bank leh Apex Bank aiawh Officials te an tel a. Bank dang aiawh te an kal tha tawklo chu ngaimawhawm tiin he Central Scheme pawimawh tak tihhlawhtlinan hian tha zawk leh zau zawka inhawng tura ngen nise tiin thutkhawm chuan a rel bawk.