Election Commission of India (ECI) thuchhuak bawhzuiin vawiin khan DC Conference Hall Champhai ah Special Drive 2017 chungchangah Press Conference nei.
Special Drive 2017 hi ECI thuchhuah ang chuan July thla chhung (1-31 July) a neih tur a ni a. Thupui a kalpui mek ‘No Voter to be left Behind’ hnuaia Kum 18-21 inkar Electoral Roll a chuang thei zawng zawng chuan tir vek tumna a hmalakna a ni.He thupek bawhzuiin Chief Electoral Officer, Mizoram in ruahmanna a siam ang chuan District Election Officer (DEO) hnuaia Election Officials te (EO/ERO/AERO) te chu June ni 7 hmain training pek anni anga, anni hian mahni bial chhung theuh a BLO te chu June 14 ral hmain training an pe ve leh ang. July thla chhung hian BLO te chuan mahni bial (Polling Station) chhunga in tin an tlawh anga, Kum 18-21 inkar ami dan dik taka vote nei thei si Electoral Roll a la chuanglo te zawng chhuakin Form 6 hmangin dilna an ziahsak ang. Hei hi zirlai Kum 18-21 inkar mahni khuaa awmlo te tan pawh an chhungtein in dilska nah un remchak a ni. Form 6 hi ERO/AERO/DC/EO Office ah lak theih ani ang a. July ni 8 leh ni 22 ah hian Polling Station tinah Special Camp neihtur a ni bawk ani.
Hming ziahluhna Form 6 bakah hian hming paihna Form 7, hming tihdikna Form 8 bakah veng/khua (Constituency) thlakna Form 8A te pawh he hunah hian thehluh theih ani ang. Tin heng form zawng zawngte hi online in nsvp.in ah a thehluh theih bawk.
Election Department chuan Political Party, NGO (YMA, MHIP leh MUP), College leh Higher Secondary School zirtirtute leh Media lama thawkte chu he Special Drive hlawhtlin theihna atan thawhpui ah a sawm a ni.
Press Conference hi Pu CC Lalchhuangkima Addl DC, Champhai chuan kaihruaiin, Pu Lalremruata Kullai Election Officer, Champhai in sawizauna neiin hriatthiam loh nei te tan zawhna leh chhanna hun siam ani bawk.
