Tun thla chhung hian Union Home Minister Pu Rajnath Singh chuan India leh Myanmar ramri chungchangah sawrkar mi pawimawh te thil pawimawh sawipui turin Mizoram a rawn tlawh dawn a. Union Home Minister hi  Union Minister of State for Home, Pu Kiren Rijiju-an a  rawn tawiawm dawn a ni. 

Hemi chungchanga lo inpuahchah dan tur sawihona hmasa chu vawiin chawhnu khan Pu Lalbiakzama, Addl.Secretary, Home Department,  Office, New Secretariat-ah  neih a ni. 

Meeting on Indo-Myanmar Border Issues-ah hian Myanmar ramri hrula state dang pathum - Arunachal, Nagaland leh Manipur a Chief Minister te, Central sawrkar a Secretary te, Myanmar ramri dep State pathuma Chief Secretary leh DGP theuh te bakah Central Sawrkar a hna pawimawh tak tak chelhtute an rawn tel tura  beisei an ni.