Vawiin chawhnu khan Department of Food, Civil Supplies & Consumer Affairs (FCS&CA) changtu Parliamentary Secretary Pu T.T Zothansanga hovin FCI Godown bula lirthei che vel chungchang sawihona FCI Godown, Tanhril-ah neih a ni a. He hunah hian FCS&CA Department, Transport Department , Mizoram University, UD&PA Department, Aizawl Municipal Corporation, Mizoram Police, Aizawl Traffic, Area Manager FCI, Tanhril leh Tuivamit Local Council , Mizoram Truck Owners’ Association leh Mizoram Truck Drivers’ Association aiawh te an tel a ni.

Meeting chuan lirthei che vel ti ziaawm turin FCI Godown-a buhfai dah leh phur chhuak truck te dahna tur hmun zau zawk ruahman nise tiin a rel a. Hemi bakah hian kawng zauh dan tur enfiah nise tia rel a ni bawk. He hunah hian helai hmuna Traffic ziaawm zawk nan police duty dah belh tur leh chawhma lirthei veivak tam laia heng buhfai phur lirthei te’n kawng paltlang te tan harsatna an siam loh na tura hmalak nise tiin a rel bawk a. Lirthei dahna tur hmun hi naktuk June Ni 2 hian enfiah tura ruahmanna siam a ni a. He sawihona hi May Ni 29, 2017-a hemi chungchang meeting neih tawh bawhzuina a ni.