Vawiin chawhnu khan DC Conference Hall Champhaiah khawpuia cheng mahni puala chenna In neilote tana insak tanpuina scheme  PMAY-Housing for All (Urban)  hamthatna dawng thei tur thlangtu  District Screening Committee chu chairman Bawrhsap Dr Naveen Aggarwal hovin an thukhawm.

Bawrhsap Dr Naveen Aggarwal chuan insak tanpuina dawngtur dik tak ten an dawn chu District Screening Committee duhdan anih thu leh  dik leh felfai taka thlan anih theihna tura NGO leh VC te tawiawmnaah lawmthu a sawi a ni.

Champhai Town leh  Census Town pathum Khawzawl,Khawhai leh Biate khua atanga Benefiary led Construction kaltlanga PMAY -Housing for All (Urban) insak tanpuina diltu 2765 an awm a, heng zinga 2290 te endik anih hnuin 592 te dilna chu hnawl a ni a. Dilna 1698 pawm zingah diltu Mipa 1027 leh Hmeichhia 671 te an awm a ni.

Endik hna hi Vengchhung NGO te leh VC te nena  inrawmkhawm a neih thin niin, hmunhma leh dinhmunte criteria zulzuia uluk taka zirchian thin a ni.