32/2025-2026

Champhai, 3rd April 2025: Vawiin khan Champhai District Sericulture Office chuan Sustainable Livelihood Through Ericulture in East Mizoram under Silk Samagra-ll hnuaia District chhunga Eri Pangang khawitute tan "Farmer's Training On Skill Seeding and Skill Upgradation" an buatsaih a.  He training hi hlawhtling taka neih niin Pangang khawitu mi 134 ten an telpui thei a ni.

He training hi Centre Of Excellence Training Hall, Zion Vengah neih niin Pi K. Lallawmzuali, DSO chuan a kaihruai a. He hun hmanpui tu Pu B.Lalchhuana, Deputy Director/Project chuan Project kalphung sawifiahin, he project Eri pangang khawi hmang hian eizawnna tlak leh ngelnghet zawk siam theih anih a beisei thu sawiin, a hlawhtlin ngei theih nan ṭhahnemngai taka thawk turin kalkhawmte chu a fuih a ni.

Pi K. Lallawmzuali District Sericulture Officer, Pi Melody C Vanlalruati, Sericulture Promotion Officer, Pu R. Lalbiakdika Sericulture Demonstrator leh Pi F. Lalhmangaihzuali Sericulture Demonstrator ten Eri pangang khawitu kalkhawmte hi zirtirna an pe a. Pangang khawitute bulah Project target te, pangang khawi dan te, Pangang chaw huan enkawl dan te leh damdawi hmang a pangang khawina hmanrua tihfai dan te an zirtir a ni.

He hunah hian beneficiaries te tan pangang khawi na tur hmanua solar light, tray, bucket leh a dangte sem chhuah nghal a ni bawk.