3559/2023-2024

Champhai the 30th January, 2024 - Champhai District Silver Jubilee Celebration Committee te chu a tum thumna atan vawiin khan DC Conference Hall, Keifangtlang ah an thukhawm.

Thutkhawm hi an Chairman Pu James Lalrinchhana, District Bawrhsap ni bawk chuan kaihruaiin Silver Jubilee lawm dan tur hrang hrang te sawiho a ni.

Silver Jubilee hi ruai nen lawm nise an ti a, sum hmuh dan tur chungchang sawiho niin, Finance Sub Committee din nise an ti a, Chairman atan Pu Lalrinawma, Project Director, DRDO chu ruat a ni a, Secretary atan Pu F. Lalrinmuana, President SYMA ruat niin Treasurer atan Pu Lalchhuanawma, Superintendent, DC Office chu ruat a ni bawk.

Finance Sub Committee te hian sum hman dan tur zawng zawng an lo ruahman nghal dawn a ni.

Sub Committee hrang hrang te hmalak tawhna thlirho a ni a, Silver Jubilee lawm hun atan February ni 28, 2024 lo ruat tawh chu Budget Session neih tur bakah KTP General Conference leh Chapchar Kut neih tur avangin March ni 8, 2024 ah sawn a ni.

Jubilee Lungphun tur chu kil li neia siam tura ruahman a ni a, a thu ziah tur erawh chu a tul anga ennawn leh tur a ni dawn a ni.

Thutkhawm zawhah Suvienir a dah tur Silver Jubilee Celebration Committee te'n thla an la a ni.