2021/2023-2024

Champhai the 26th September, 2023 – Champhai District Sports Committee (CDSC) te chu vawiin chawhnu khan an Chairman Champhai DC Pu James Lalrinchhana kaihhruaiin DC Conference Hall, Keifangtlangah ah thukhawm.

Meeting-ah hian Sports Discipline association hrang hrang hnuaia hruuaitute leh ex-officio member-te an tel tha hle a ni.

Champhai DC & Chairman District Sports Committee Pu James Lalrinchhana chuan CDSC chu Champhai District-a Sports Discipline hrang hrang hmasawnna tura mawhphurna fawng chelhtute an nih avangin thalaite leh mipuite hmakhua ngaia anmahni zawn theuha theihtawp chhuah turin a ngen a. Sports chu kan thalaite kawng hrang hranga an hmasawnna (all round development) atana thil pawimawh berte zing ami ani tiin, rilru leh taksa hriselna atan leh ruihhlo laka thalaite an fihlim theihna tura hmanraw pawimawh tak a ni tiin, Champhai District-a sports ti hmasawn zel turin kalkhawmte thawhho puiah a sawm a ni.

Champhai DS&YO & Member Secretary Pu Benjamin Zalawma Ralte chuan report a pe a. Mizoram State Sports Council atangin tun thla khan Assistance to Champhai District Sports Committee hnuaiah cheng 58,400 leh Champhai District Sports Promotional Fund atan cheng 2,62,000 dawn a ni a. Heng sum dawn te hi sports discipline hrang hrang tih hmasawnna atana hman dan tur leh hmalak dan turte sawiho a ni a. Sports discipline hrang hrang ten an hmalak dan tur CDSC hnenah thlenin heng fund te hi hman a ni dawn a. New Champhaia CDSC ram develop chungchang pawh sawiho niin, Masterplan mumal tak duang that leh ni se tih Committee chuan a rel a ni.