2020/2023-2024

Khawzawl, 26th September 2023 : Poshan Maah (Nurtition Month) hman mek pualin vawiin khan ICDS Khawzawl chuan Khawzawl khawpui chhunga Anganwadi Centre 24 te tan CDPO Office, Khawzawlah Tribal Food Fair an buatsaih sak a, hetah hian Anganwadi Centre 24 te hi Group 6-ah inthenin ei siam intihsiakna an nei a ni.

Tribal Food Fair neih dawnah hian CDPO Pi Lalremthangi chuan thu sawiin, Ei leh in leh hriselna hi thil inkungkaih tlat a ni tiin kan thil ei leh in hian kan taksa hriselna thui tak a nghawng a, hei vang hian ei leh inah kan fimkhur a ngai hle a ni a ti a. Taksa peng hrang hrang ten tha taka hna an thawh theihna turin chaw tha a pawimawh tih sawiin taksa tana chaw tha pawimawhna te leh taksa in a mamawh chi hrang hrang - Protein, Carbohydrates, Fat, Vitamin pawimawhna leh heng ho awm tamna chaw, thlai leh thei te a tarlang a ni.

Vawiin Tribal Food Fair-ah hian Group 6-na, Centre 18, 19, 23 leh 22 te awmna chu pakhatna an ni a, Anganwadi Centre 18 Worker Agnes Biaknunmawii chu Group Leader a ni.