4148/2024-2025

Champhai, 10th February 2025: Village Council Inthlan 2025 neih tura inpuahchahna kal zelah vawiin khan Champhai District chhunga Presiding Officer (PRO) leh Polling Officer (PO) te tan training thawhthumna leh hnuhnung ber chu Kahrawt Community Hall-ah buatsaih a ni.

Champhai District Election Officer Pu VL Remliana chuan training hi tlawhin, PRO leh PO kalkhawmte fuihna thu a sawi a. Inthlanah tawnhriat neih tam a pawimawh rualin, thiam vek ni a awm thei lo a, chuvangin fimkhur reng a ṭul a ni, a ti a. PRO leh PO te chu ṭha taka inpuahchah a, thluak fim pu chunga an hna ṭha taka thawk turin a fuih bawk a ni.

He hunah hian Pu Benjamin Zalawma Ralte, DUDO leh Pi Lalchhandami Pachuau, BDO Khawbung ten PRO leh PO te hi training an pe a. Naktuk, February ni 11 hian PRO leh PO te hian an duty na hmun tur an pan ang.